گەورەترین قوربانیکردنی منداڵ لە مێژوودا دۆزرایەوە
هەرێم جەعفەر
لە وڵاتی پیرۆ گەورەترین گۆڕی بەکۆمەڵی منداڵ و بەچکەی گیانداری لاما لە مێژووی مرۆڤایەتی دۆزرایەوە کە کرابوونە قوربانی لە مەراسیمی تایبەتدا.
ئێسک و پروسکی ١٤٠ منداڵ و ٢٠٠ بەچکە لاما (لەشێوەی بزندایە)، لە باکووری پیرۆ دۆزرانەوە کە بە وتەی زانایان مێژووی ئەو قوربانیکردنە دەگەڕێتەوە بۆ ٥٥٠ ساڵ لەمەو بەر.
سی ئێن ئێن لە ڕێگای ڕاپۆرتێکی کەناڵی ناشناڵ جیۆگرافی ئاشکرای کردوە، تەمەنی منداڵەکان لە نێوان پێنج بۆ ١٤ ساڵ بوون و بەچکە لاماکانیش کەمتر لە ١٨ مانگ بوون.
هەر بەپێی ڕاپۆرتەکەی ناشناڵ جیۆگرافی منداڵەکان لەو مەراسیمەدا قەفەزەی سنگیان هەڵدڕاوە و دڵیان دەرهێندراوە، ئەمەش بەشێک بووە لە مەراسیمی قوربانیکردنی ئیمپراتۆری چیمۆ کە لەو کاتە فەرمان ڕەوایی کردوە.
بەڵگەکان ئەوەش ڕوون دەکەنەوە، تەواوی ئەو قوربانیانە لە هەمان کاتدا کوژراون و جیا لەو ژمارە منداڵەش، پیاوێک و دوو ژنیش و بوونەتە قوربانی ئەو مەراسیمە.
لە ساڵی ٢٠١١ەوە زانایان لێکۆڵینەوە لەو ناوچەیە دەکەن و ئەمە یەکەمجارە بە فەرمی ئەم زانیاریانە ئاشکرا بکەن.
![This April 22, 2011 handout photo provided by National Geographic shows more than a dozen bodies preserved in dry sand for more than 500 years, at the Huanchaquito-Las Llamas site near Trujillo, Peru. Researchers reported that, "except for three adult burials (two females and one male), all the human skeletal remains were of children, ranging in age from approximately five to fourteen years, with the majority falling in the range of eight to twelve years of age." (Gabriel Prieto/National Geographic via AP)](http://www.historyofkurd.com/wp-content/uploads/2018/05/180427213705-01-peru-child-sacrifice-exlarge-169-300x168.jpg)